Италийн Эрүүлийг хамгаалах бүсийн албаны Даниэли Д’Ипполитийн  (Daniela D"Ippoliti) толгойлсон эрдэмтдийн интернацианаль баг олон жилийн дунджаас илүү “хортойгоор” халуун болсон гэдгийг тодорхойлж тэр нь Европын хотуудад үхлийн төвшинг нэмэгдүүлж байгааг үзүүлсэн баримтыг бүтээжээ. Тэдний судалгаа нь “Environmental Health” сэтгүүлд хэвлэгдсэн байна.
“Дулааны долгион урт хугацааны турш үргэлжлэх нь үхлийн төвшинд хүчтэй нөлөөлж байна. Халуун байгаа үеэр ердийн статистик үхлээс өдөр бүр 1,5-3 хувиар илүү байна. Эрсдэлийн бүлэгт ахимаг настнууд эмэгтэйчүүд ихээр хамрагдаж байна. Зүрх судасны өвчнөөс гадна ужиг хууч өвчин нөлөөлж байна. “Дулааны долгион” гэж хоёр өдөр дараалан агаарын хэмийн халалт ба чийгшилт нь сарын хамгийн өндөр үзүүлэлтийн 10 хувьтай тэнцэхийг эрдэмтэд хэлжээ. Цаг уурын өөрчлөлт нь Европын  дулааны долгионы давталтын тоог олшруулж, түүний хүчийг нэмэгдүүлж байгаа учир хотуудад хэрхэн нөлөөлөхийг судлах нь чухал юм.
Энэ жилийн тавдугаар сард НАСА-гийн (NASA) мэргэжилтнүүд энэ зуныг ер бусын халуун болно гэж байсан юм. Мэргэжилтнүүдийн хэлснээр сүүлийн 130 жилийн дотор агаарын хэм 12 сарын турш хамгийн өндөр дулаантай байжээ. Халууны улмаас агаарын бүтэц дэх хүчил төрөгчийн хэмжээ ердийнхөөс хоёр дахин бага байгаа нь толгой эргэх, амьсгаадах, зүрхний хэмнэлийг өөрчлөх зэрэгт хүргэжээ.
Өнгөрсөн жилийн сүүлчээр Британийн цаг уурчид даяарчлалын дулааралын хор уршгийн зургийг гаргасан байна. The Day After Tomorrow (нөгөөдөр) нэртэй тэр зургаар агаарын халалт дөрвөн градусаар нэмэгдэхэд юу болохыг харуулсан байна. Хэрэв тэр зурагт итгэвэл Британид зундаа 40 градус хүртэл халж, зүүн өмнөд хэсэг нь далайд живэх ажээ. Хэрэв өнөөгийн энэ байдал хадгалагдан үлдэх юм бол Нью-Йорк 2100 онд далайд живсэн байх гэнэ. Тэгвэл Япон, Филиппин, Индонезийн талаар яриад ч хэрэггүй болно.